महिला विश्वकप फुटबल छनोटमा इंग्ल्याण्डले हालसम्मकै फराकिलो गोलअन्तरको जित निकालेको छ। गएराति भएको युरोपियन छनोट अन्तर्गत समूह डीमा रहेकोइंग्ल्याण्डले लात्भियालाई २०–० गोल अन्तरमा हरायो।
Advertisement
इंग्ल्याण्डको जितमा लौरेन हेम्पले ४ गोल गर्दा इलन ह्वाइट, बेथ मिड र आलेसिया रूसोले ह्याट्रिक गरे। इंग्ल्याण्डका लागि १० जना खेलाडीले गोल गरेका थिए।
यो सँगै इङ्ल्याण्डले समूहमा ६ खेलबाट शतप्रतिशत जित निकालेको छ।
विश्वकप महिला फुटबलको युरो छनोटका अन्य खेलमा खेलमा स्पेनले स्कटल्याण्डलाई ८–० ले हराउँदा फ्रान्सले वेल्समाथि २–० को जित निकाल्यो ।
यसैगरी रिपब्लीक अफ आयरल्याण्डले जर्जीयालाई ११–० ले हराउँदा स्विट्जरल्याण्डले लिथुआनियालाई ७–० ले, क्रोएसियाले मल्दोभालाई ४–० ले, सर्वियाले बुल्गेरियालाई ४–१ ले तथा टर्कीले इजरेललाई ३–२ ले हराएका छन् ।
