काठमाडौं । नेकपा (एमाले)का अध्यक्ष एवं संसदीय दलका नेता केपी शर्मा ओलीले आफूहरूले सत्तामा सहकार्य गरेको बताएका छन् ।
Advertisement
शनिबार उपसभामुखको निर्वाचन पछि संसद् भवनबाट बाहिरिने क्रममा उनले आफूहरूले गठबन्धन नगरेको बताए । सत्ता गठबन्धनमा आबद्ध सात दलबीच सहकार्य भएको उनको भनाइ थियो ।
त्यसक्रममा उनलाई सञ्चारकर्मीले ‘कांग्रेसले गठबन्धन भत्काउँदै छ रे नि !’ भन्ने प्रश्न गरेका थिए । जवाफमा उनले भने, “हामीले गठबन्धन गरेकै छैन, के भत्काउने ? सहकार्य गरेको हो नि । उपसभामुख चयन भइसक्यो ।”
उनले राष्ट्रपति पदको निर्वाचनका लागि पार्टीले राम्रो तयारी गरेको पनि बताए । “राष्ट्रपतिको तयारी राम्रो छ,” उनले भने ।
ओलीले राष्ट्रपतिमा आफ्नो पार्टीको उमेदवारका पक्षमा राष्ट्रिय सहमति हुनुपर्ने बताउँदै आएका छन् ।
