काठमाडौं । सर्वोच्च अदालतले संवैधानिक इजलासका न्यायाधीशहरुले प्रधानमन्त्रीलाई भेटेको भनी रातोपाटी समेतमा प्रकाशित समाचारको खण्डन गरेको छ ।
सर्वोच्च अदालतका सह प्रवक्ता देवेन्द्र ढकालले शुक्रवार विज्ञप्ति जारी गर्दै ‘न्यायपालिकाको स्वच्छता र अदालतको जनआस्थामा प्रतिकूल प्रभाव पार्ने मिथ्यापूर्ण, भ्रामक, अतिरञ्जित, असत्य र कपोलकल्पित समाचार सम्प्रेषण हुनु दु:खद र खेदजन्य विषय हाे’ भनी उल्लेख गरेका छन् ।
Advertisement
विज्ञप्तिमा भनिएको छ, ‘अदालतमा विचाराधीन मुद्दामा अनावश्यक आशंका र भ्रम सिर्जना गर्ने गरी, सत्य र यथार्थ नबुझी समाचार प्रकाशन गर्नाले न्यायपालिकाप्रतिको विश्वसनीयता र आम नागरिकको यसप्रतिको आस्थामा खलल पुग्न जाने तथा त्यस प्रकारको कामबाट सम्पूर्ण प्रेस जगतप्रतिको विश्वसनीयतामा पनि आँच आउन सक्ने अवस्था रहन्छ।’
‘यस्ता कार्यहरु पत्रकार आचारसंहिता र कानून प्रतिकुल हुने भन्दै कानुनी दायरमा आउन सक्ने तर्फ सचेत हुन’ सर्वोच्चले ध्यानाकर्षण समेत गराएको छ ।
साभार: रातोपाटी
