भक्तपुर । नेपाल पत्रकार महांसघ जिल्ला शाखा भक्तपुरले दुई जना वरिष्ठ पत्रकारलाई सम्मान गरेको छ ।
शनिबार शाखाको २२ औं साधारण सभाको अवसरमा देशान्तर मिडिया ग्रुपका निर्देशक तथा वरिष्ठ पत्रकार कविर राणा र राससका वरिष्ठ फोटो पत्रकार रत्नकृष्ण श्रेष्ठलाई सम्मान गरेका हो ।
Advertisement
कार्यक्रमका प्रमुख अतिथि वरिष्ठ पत्रकार तथा नेपाल पत्रकार महासंघका पूर्व अध्यक्ष हरिहर विरहीले सम्मान गरेका हुन् ।
कार्यक्रममा बोल्दै पूर्व अध्यक्ष विरहीले सरकारको पछिल्लो कदमले लोकतन्त्र, प्रेस तथा अभिव्यक्ति स्वतन्त्रा धरापमा परेको बताए ।
उक्त कार्यक्रममा सम्मानित पत्रकार रत्नकृष्ण श्रेष्ठले आफुले पाएको नगद पुरस्कारको रकममा पाँच हजार रुपैयाँ थप गरेर शाखाको भवन निमार्णकालागि दिएको बताए ।
साधारणसभाले महासंघको संस्थागत विकास र पत्रकारको हकहित र मर्यादित पत्रकारीताकालागि भावीकार्यदिशा तय गरेको पत्रकार महासंघ भक्तपुरका अध्यक्ष पुष्करराज बुढाथोकीले जानकारी दिए ।
साभार: रातोपाटी
