काठमाडौं । नेपाली काँग्रेसका संगठन विभाग प्रमुख गोपालमान श्रेष्ठसँग सहमहामन्त्री सुनिल थापा समूहले भेटवार्ता गरेको छ । काँग्रेस पार्टी कार्यालयमा रहेको संगठन विभागको कक्षमा विभाग प्रमुख श्रेष्ठसँग उनीहरुले भेटवार्ता गरेको थिए ।
गत साउनमा राष्ट्रिय प्रजातन्त्र पार्टी (राप्रपा) परित्याग गरी काँग्रेस प्रवेश गरेपछि पहिलो पटक थापा समूहले श्रेष्ठसँग भेटवार्ता गरेको हो । भेटवार्तामा पार्टी संगठन विस्तारबारे छलफल भएको थियो । त्यसमा थापा समूहको पनि ठूलो योगदान रहने श्रेष्ठले विश्वास व्यक्त गरेका थिए ।
Advertisement
थापालाई श्रेष्ठले राप्रपाका अन्य नेता कार्यकर्तालाई पनि काँग्रेसमा ल्याउन पहल गर्ने आग्रह गरेका थिए । यस्तै उनले नवप्रवेशीलाई पार्टीभित्र कुनै विभेद पनि नहुने र नगरिने विश्वास दिलाए । पार्टीलाई सांगठनिक रुपमा बलियो बनाएर आगामी निर्वाचनबाट पहिलो पार्टी बनाउनुपर्नेमा श्रेष्ठको जोड थियो । थापाले पनि पहिलो पार्टी बनाउन काँग्रेसमा आएका बताएका थिए ।
साभार: रातोपाटी
