७ असार, काठमाडौं । कोरोना संक्रमणको दर कम भइरहेको र विदेशमा व्यापक खोप अभियान चलेको भएपनि सरकारले अन्तर्राष्ट्रिय नियमित उडान रोकेर चार्टर्ड उडानलाई नै प्रोत्साहन गरेको छ ।
यही मौकाको फाइदा उठाउँदै केही ट्राभल एजेन्सीले चर्को भाडा असुलेको गुनासो यात्रुबाट बढेपछि सरकारले छानविन समिति गठन गरेको छ । मन्त्रालयका प्रवक्ता तारानाथ अधिकारीका अनुसार नेपाल नागरिक उड्डयन प्राधिकरणका महानिर्देशक राजन पोखरेलको नेतृत्वमा ५ सदस्यीय छानविन समिति गठन भएको हो ।
Advertisement
समितिले गुनासोबारे छानविन गरि सम्बन्धित निकायमा आवश्यक कानूनी कारवाहीको सिफारिस गर्न समिति गठन भएको उनले बताएका छन् । सरकारले १९ वैशाखबाट टर्की र कतारमा नियमित उडान खोलेको छ ।
भारतमा यसअघि पनि उडान खुला थियो । लामो समयदेखि नियमित उडान रोकेको सरकारले यसबीचमा नेपालमा महामारी नियन्त्रणमा समेत ठोस कदम चाल्न सकेको छैन । यसै मौकामा व्यापारीहरुले यात्रुबाट चर्को मूल्य असुल गरेको गुनासो बढिरहेको छ ।
Credit: OnlineKhabar
