२० साउन, धनगढी । प्रहरीले जुवा खेलेको आरोपमा दुईजनालाई पक्राउ गरेको छ ।
जिल्ला प्रहरी कार्यालयले बुधबार धनगढी उपमहानगरपालिका-३ स्थित एएफसी कटेजका सञ्चालक ३७ वर्षीय सुरेन्द्र पाण्डे र गोदावरी नगरपालिका-२ का ४७ वर्षीय महेन्द्र भट्टराईलाई पक्राउ गरिएको जनाएको छ ।
Advertisement
सोमबार साँझ सोही कटेजमा जुवातास खेलिरहेको अवस्थामा प्रहरी टोली पुगेपछि उनीहरु फरार भएको दाबी प्रहरीको छ ।
उनीहरुविरुद्ध जुवा शीर्षकमा मुद्दा दर्ता गरेर अनुसन्धान भइरहेको बताइएको छ । जुवाखालबाट फरार भएका अन्य ८ जनाको पनि खोजी कार्य जारी राखिएको प्रहरीले जनाएको छ ।
यसअघि प्रहरीले सो कटेजमा जुवा खेलिरहेको अवस्थामा छापा हानेर झण्डै ८ लाख रकम असुलेर मानिसहरुलाई भगाएको आरोप लागेको थियो । तर प्रहरीले भने उक्त आरोपमा सत्यता नभएको बताउँदै जुवाखालबाट ८५ हजार रुपैयाँ मात्र बरामद भएको जनाएको छ ।
Credit: OnlineKhabar
