इंग्लिस क्लब चेल्सीका इटालियन मिडफिल्डर जोर्गिन्हो युइएफए मेन्स प्लेयर अफ दिन इयर २०२०-२१ घोषित भएका छन्।
Advertisement
२९ वर्षीय जोर्गिन्होले चेल्सीका फ्रेन्च खेलाडी एन’गोलो कान्टे र म्यानचेस्टर सिटीका मिडफिल्डर केभिन डे ब्रुएनलाई पछि पार्दै अवार्ड हात पारेका हुन्।
जोर्गिन्होले गत सिजन देशबाट युरो कप र क्लबबाट युरोपियन च्याम्पियन्स लिगको उपाधि जितेका थिए।
उनले गत सिजन देश र क्लबका लागि ५६ खेल खेल्दा ९ गोल गरेका थिए।
चेल्सीका थोमस टुचेलले उत्कृष्ट प्रशिक्षकको अवार्ड हात पारेका छन्। उनको नेतृत्वमा चेल्सीले च्याम्पियन्स लिग जितेको थियो।
बार्सिलोनाकी कप्तान अलेक्जिया पुटेलासले महिला खेलाडीको अवार्ड हात पारेका छन्।
