काठमाडौं । हुम्लाको चंखेली गाउँपालिकाका नवनिर्वाचित अध्यक्ष प्यारीलाल शाहीले पद तथा गोपनीयताको शपथ लिएका छन् । आइतबार जिल्ला निर्वाचन अधिकृतको कार्यालय हुम्लाका अधिकृत जगतबहादुुर पौडेलले शपथ गराएका हुन् ।
Advertisement
उनले चंखेली गाउँपालिकाबाट हेलिकोप्टरमाफत जिल्ला सदरमुकाम सिमकोट पुगेर शपथ लिएको अधिकृतको कार्यालयले जनाएको छ ।
स्वतन्त्र रूपमा प्रतिस्पर्धा गरेर उनले सत्ता गठबन्धनतर्फका साझा उमेदवार नेकपा (माओवादी केन्द्र)का गोविन्द शाहीलाई पराजित गरेका थिए । कांग्रेसनिकट शाहीलाई पाटीले टिकट नदिएपछि स्वतन्त्र चुनाव लडेका थिए । स्थानीय तह निर्वाचनअन्तर्गत गएको वैशाख ३० गते भएको मतदानमा शाही एक ६९५ मत पाएर विजयी भएका थिए ।
यसअघि, जिल्लाका ६ वटै गाउँपालिकाका नवनिर्वाचित अध्यक्षहरूले शपथ लिइसकेका छन् ।
