काठमाडौं । अमेरिकाले नेपाललाई स्टेट पार्टनरसिप प्रोग्राम (एसपीपी)मा सहभागी हुन दबाब नदिएको दाबी गरेको छ । काठमाडौंस्थित अमेरिकी दूतावासले बुधबार साँझ सामाजिक सञ्जाल फेसबुकमार्फत नेपालसँग कुनै पनि सैन्य गठबन्धन नभएको जनाएको छ । साथै उसले सैन्य गठबन्धनका लागि प्रस्तावसमेत नगरिएको दाबी गरेको छ ।
Advertisement
पछिल्लो केही दिनयता नेपालले अमेरिकासँग सैन्य गठबन्धनमा सहभागी हुने तयारी गरेको चर्चा चलिरहेको छ । जसलाई लिएर सरकारको आलोचना भइरहेको छ ।
अमेरिकी दूतावासले ‘तथ्य’ शीर्षक दिएर सामाजिक सञ्जालमार्फत नेपाल र अमेरिकाबीच १० बुँदे सहमति नभएको, अमेरिकाले नेपाललाई एसपीपीमा सहभागी हुन दबाब नदिएको तथा नेपालसँग कुनै पनि सैन्य गठबन्धन नभएको र प्रस्तावसमेत नगरिएको जनाएको हो ।
