![](https://www.symnetwork.com/wp-content/uploads/2023/05/SHIVAM-AD-1.gif)
![](https://www.symnetwork.com/wp-content/uploads/2022/10/trilochan-bhatta1660541727-1024x517.jpg)
![](https://www.symnetwork.com/wp-content/uploads/2024/01/KFC-ad.gif)
काठमाडौं । सुदूरपश्चिम प्रदेशका मुख्यमन्त्री त्रिलोचन भट्टले प्रदेशसभाको प्रत्यक्षमा दाबी गरेपछि माओवादी केन्द्रभित्र विवाद चुलिएको छ ।
मुख्यमन्त्री भट्टले पार्टी अध्यक्ष पुष्पकमल दाहालाई भेटेर प्रदेशसभामै लड्ने माग गरेपछि पार्टीभित्र विवाद चर्किएको हो ।
माओवादी केन्द्र डोटीले भट्टको नाम प्रतिनिधि सभाको प्रत्यक्षतर्फ र प्रतिनिधि सभाकै समानुपातिकका लागि सिफारिस गरेको थियो ।
Advertisement
तर उनले पार्टीको निर्णय विपरीत आफ्नो माग प्रत्यक्षमा प्रदेश मागेपछि डोटीका बहुमत कार्यकर्ता रुष्ट भएका छन् ।
प्रदेश कमिटीको बहुमत पनि मुख्यमन्त्रीको विरुद्धमा रहेको एक पदाधिकारीले बताए । भट्टले टिकट पाए माओवादीकै केही नेताहरुले स्वतन्त्र उमेदवारी दिने सम्भावना छ ।
उनले भट्टले टिकट पाए पाटीभित्र विद्रोह हुने चेतावनीसमेत दिएका छन् ।
भट्टले प्रदेशसभा ख मा दाबी गरेका हुन् । माओवादीले भने सो क्षेत्रबाट शिव सिंंह ओली, मिनबहादुर घर्ती र प्रेम कुवँरको नाम सिफारिस गरेको थियो ।
![](https://www.symnetwork.com/wp-content/uploads/2024/01/wai-wai-ad.gif)
नेताहरुका अनुसार डोटीका बहुमत जिल्ला कमिटी भट्टको विरुद्धमा छ । पाँचवर्षसम्म सुदूरपश्चिम सरकारको नेतृत्व गरेका भट्टको कार्यकालको आलोचना पार्टीभित्रै व्यापक छ ।
प्रदेश पार्टीले भट्टलाई असक्षम मुख्यमन्त्री भन्दै उनको कार्यकालमा जनताको कुनै काम नभएको लिखित निर्णय नै गरेको थियो ।
यसबाहेक पार्टीकै नेताहरुले उनलाई आर्थिक अनियमितता गरेको आरोप समेत लगाउँदै आएका छन् ।
डोटीकै एक नेताले भने,“स्थानीय निर्वाचनमा आफ्नो पालिका जिताउन नसक्ने मुख्यमन्त्रीले पार्टी निर्णय विपरीत प्रदेशसभामा दाबी गर्न मिल्दैन । यसले पार्टीभित्रै विद्रोह हुन्छ । गठबन्धनकै समीकरणमा समस्या आउन सक्छ । ५ वर्ष मुख्यमन्त्री भएर उहाँले सम्झनलायक एक काम पनि गर्नुभएन । विवाद र अनियमिततामा जोडिनुभयो । कारवाही गर्नुपर्नेलाई टिकट दिएपछि निर्वाचनमा ठुलो क्षति हुन्छ ।”
सुदूरपश्चिम धेरैजसो नेतासँग मुख्यमन्त्री भट्टको बोलचालसम्म छैन । केही समयअघि उनले आफु निकटका नेता–कार्यकर्तासँग सुदूरपश्चिममा माओवादी छ र ? भन्दै प्रश्न समेत गरेका थिए ।
डोटीमा प्रतिनिधि सभाको प्रत्यक्षमा एकिकृत समाजवादीका नेता प्रेम आले उमेदवार बन्ने सम्भावना छ । प्रदेशसभामा दुई सिटमा माओवादी र कांग्रेस एक–एक सिटमा लड्नेछन् ।
![](https://www.symnetwork.com/wp-content/uploads/2020/09/1588332472-2-63.gif)
![](https://www.symnetwork.com/wp-content/uploads/2020/09/1592292872-3-59.jpg)
![](https://www.symnetwork.com/wp-content/uploads/2020/09/bolero-61.gif)