काठमाडौँ — बाल साहिय सर्जक तेजप्रकाश श्रेष्ठलाई जयपृथ्वीबहादुर सिंह सम्मान प्रदान गरिएको छ । जयपृथ्वीबहादुर सिंहको १४७ औं जन्मजयन्तीका अवसरमा बिहीबार कमलादीस्थित नेपाल प्रज्ञा प्रतिष्ठानमा आयोजित समारोहमा श्रेष्ठलाई सम्मान गरिएको हो ।
Advertisement
यस्तै, जयपृथ्वीबहादुर प्रतिभा पुरस्कारबाट बाल कलाकार आश्रिती श्रेष्ठ र समर्पण न्यौपाने पुरस्कृत भएका छन् । श्रेष्ठलाई चित्रकलातर्फको प्रतिभा पुरस्कार र न्यौपानेलाई साहित्यतर्फको प्रतिभा पुरस्कार प्रदान गरिएको हो । पुरस्कारको रकम जनही ५ हजार रुपैयाँ थियो ।
नेपाल प्रज्ञाप्रतिष्ठान, नेपाल बालसाहित्य समाज र ह्युमनिजम एन्ड जयपृथ्वीबहादुर फाउन्डेसनको सहकार्यमा आयोजित कार्यक्रममा सिंहको मानवतावादी व्यक्तित्त्वको चर्चा गरिएको थियो । पुरस्कृत सर्जकलाई प्रज्ञा प्रतिष्ठानका कुलपति भूपाल राईले पुरस्कृत गरेका थिए ।
