साभार: रातोपाटी
अर्थमन्त्रीमा विष्णु पौडेल नियुक्त भएको दिन सेयर बजारमा खासै चमक देखिएन । सामान्यतया अर्थमन्त्रीको नियुक्ति र बर्हिगमनमा बजार कि त ज्यादा चम्कने कित ज्यादा घट्ने गरेकोमा पौडेलको आगमनलाई सेयर बजारले खुलेर स्वागत गर्न नसकेको आजको कारोबारबाट देखिन्छ ।
बजार खुलेको केही समय नेप्से आकर्षक ढंगले चम्किएको भए पनि विस्तारैे गति सुस्त हुदै गयोे । नेप्से सूचक बिहीबार १.२९ अंकले बढेर १५६२.४६ विन्दुमा अडिएको छ ।
Advertisement
१ सय ९६ कम्पनीको १ अर्ब ४२ करोड रुपैयाँभन्दा बढीको कारोबार भएको छ । ४९ लाख ९४ हजार कित्ताभन्दा बढी सेयर कारोबार भएको छ । खरिदबिक्री भएकामध्ये ५ वटा समूह बढेका छन् भने बाँकी समुहको सुचक ओरालो लागेको छ । वाणिज्य बैंक समूहको सूचक १.९ अंकले वृद्धि भएको छ । नेपाल फाइनान्स र जनरल इन्सुरेन्सको सेयर भाउ १० प्रतिशतले बढेको छ भने गुराँस लघुवित्तको सेयर मूल्य सबैभन्दा धेरै ५.२१ प्रतिशतले घटेको छ ।
खरिदबिक्री रकममा नेपाल पुनर्बिमा कम्पनी सबैभन्दा अगाडि छ । यसको ७ करोड ४० लाख रुपैयाँभन्दा बढीको कारोबार भएको छ । दोसं्रोमा आज मात्र लाभांश दिने जानकारी नेप्सेमा गराएको शिवम सिमेन्ट्सको कारोबार भएको छ भने तेस्रोमा अरुण हाइड्रोपावरको कारोबार भएको छ ।
