कैलाली । प्रहरीले चरेससहित कैलालीबाट एकजनालाई पक्राउ गरेको छ । पक्राउ पर्नेमा कैलालीको गोदावरी नगरपालिका–१ बसन्तपुर बस्ने वर्ष ४० को चेतराज ऐर रहेको जिल्ला प्रहरी कार्यालय कैलालीका प्रहरी निरीक्षक हिक्मतबहादुर थापाले रातोपाटीलाई जानकारी दिए ।
Advertisement
ऐरले सञ्चालन गरेको पसलमा चरेसको बिक्री वितरण भइरहेको सूचनाका आधारमा इलाका प्रहरी कार्यालय मालाखेतीबाट खटिएको प्रहरी टोलीले बिहीबार उनलाई पक्राउ गरेको प्रहरी निरीक्षक थापाको भनाइ छ ।
पसलमा खानतलासी गर्दा लुकाइ छिपाइ राखेको अवस्थामा ९४० ग्राम चरेस बरामद भएको उनले बताए ।
साभार: रातोपाटी
