काठमाडौं । आगामी आर्थिक वर्षको बजेट सार्वजनिक हुन अब एक महिना पनि बाँकी छैन । तर, बजेटबारे छलफल हुने अधिवेशनको भने टुंगो छैन । पछिल्लो तरल राजनीतिका कारण अधिबेशनमा सरकारले जोड दिएको छैन ।
Advertisement
यद्यपि,अर्थ मन्त्रालयका अधिकारी भने अधिवेशन गर्न अझै ढिला नभइसकको बताउँछन् । अर्थकै एक अधिकारी गत वर्ष बैशाख २६ देखि बजेट अधिवेशन भएको आधारमा पनि बजेट अधिवेशन आह्वान गर्न ढिला भइनसकेको बताउँछन् । सरकारले बजेट पेश गर्नुपूर्व वार्षिक नीति तथा कार्यक्रम पेश गर्छ । यस आधारमा पनि बजेट अधिवेशन समयमै हुँदा यस विषयमा पर्याप्त छलफल हुन पाउने अधिकारीहरु बताउँछन् ।
यता अर्थमन्त्री विष्णु पौडेलले भने विभिन्न राजनीतिक दल, पेशागत संस्था लगायतसँग बजेटका विषयमा सुझाव लिएका छन् । कोरोना माहामारीका कारण यसपटक पनि स्वास्थ्य र पुनरुत्थानमा बजेट केन्द्रित हुनुपर्ने देखिएको छ । यहि कारण पनि अर्थमन्त्री पौडेलले मन्त्रालयलहरुलाई नयाँ कार्यक्रमको अपेक्षा नगर्न सम्झाउँदै आएका छन् ।
साभार: रातोपाटी
