Author: Senior Editor Nima

सरकारले कोरोना भाइरसविरूद्ध दोस्रो डोजको भेरोसेल खोप आइतबारदेखि लगाउन सुरू गरेको छ। बागमती प्रदेशअन्तर्गत सामाजिक विकास मन्त्रालयले सूचना जारी गर्दै पहिलो डोज खोप लगाएकाले आफूलाई पायक पर्ने नजिकका केन्द्रमा गएर खोप लगाउन भनेको छ। पहिलो डोज खोप लगाएको कार्ड साथै लिएर जानुपर्नेछ। खोप लगाएको मिति अनुसार छुट्टाछुट्टै दिन तोकिएको छ। गत चैत २५, २६, २७ र २८ गते भेरोसेलको पहिलो खोप लगाएकाहरूले जेठ २ मा खोप लगाइसकेका छन्। चैत २९ र ३० गते खोप लगाएकाले आज खोप लगाउनुपर्नेछ। चैत ३१ र वैशाख २ मा खोप लगाएकोले जेठ ४ गते मंगलबार खोप लगाउनुपर्नेछ भने गत वैशाख ३ र ४ मा खोप लगाएकोले जेठ ५ मा खोप लगाउनुपर्ने सूचनामा उल्लेख छ। Advertisement वैशाख ५ र ६ मा खोप लगाएकाले जेठ ६ गते खोप लगाउनुपर्नेछ। साथै वैशाख ७, ८, ९ र १० गते खोप लगाएकाहरूले जेठ ७ गते खोप लगाउन...