पछि हट्यो रेल विभाग, विकास समितिको चेतावनीपछि मिश्रको ‘मुड चेञ्ज’
साभार: रातोपाटी
काठमाडौं – प्रक्रिया पूरा नै जगरी गैरकानूनी रुपमा अघि बढेको रेलमार्गको ठेक्का प्रक्रियाबाट रेल विभाग पछि अटेको छ । राष्ट्रिय गौरवको आयोजनाको रुपमा रहेको पूर्व–पश्चिम रेलमार्ग अन्तर्गत झापाको काँकरभित्तादेखि सुनसरीको इनरुवासम्मको १ सय ६ किलोमिटरको रेलवे ट्राकबेड निर्माणका लागि आह्वान गरिएको ठेक्का विभागले रद्द गरेको हो ।
मंगलबार सार्वजनिक सूचना जारी गर्दै विभागले गत असार १३ र १७ गते आह्वान गरेको जनाएको छ । ठेक्काको क्लज नम्बर ३७।१ को सेक्सन १ बमोजिम ठेक्का प्रक्रिया रद्द गरेको विभागको भनाई छ । सो क्लजले विभागले आशयपत्र प्रदान गर्नुअघि बोलपत्रकर्तालाई जानकारी दिई वा नदिई ठेक्का प्रक्रिया रद्द गर्ने व्यवस्था गरेको थियो । सोही व्यवस्था बमोजिम यो ठेक्का प्रक्रिया रद्द गरिएको विभागले जनाएको हो ।
विभागले प्रक्रिया नै पूरा नगरी रेलमार्गको ठेक्का आह्वान ...
